Лінкі ўнівэрсальнага доступу

Паўлоўскі: Да “Юнага дзяржынца” ня маю дачыненьня!


Вядучы мэтадыст унітарнага прадпрыемства “Дынама-спорт” Яўген Паўлоўскі абвяргае дадзеныя пра стварэньне руху “Юны дзяржынец”, якія былі апублікаваныя ў газэце “Коммерсант”.


Яўген Паўлоўскі
кажа, што ўбачыў сюжэт пра лягер “Юнага дзяржынца” па тэлеканалу СТВ. Сюжэт гэты яму спадабаўся, але больш нічога пра гэты лягер і пра гэтую арганізацыю ён ня ведае. Тым больш ён ня можа зьяўляцца арганізатарам гэтага руху, а таксама ініцыяваць злучэньне ў адзіны рух аб'яднаньняў кшталту юны сябра міліцыянта, дзяржаўтаінспэкцыі, міністэрства па надзвычайных сытуацыях, як пра гэта напісаў Коммерсант.

Паўлоўскі паведаміў, што рыхтуе абвяржэньне, якое зьбіраецца даць у беларускую прэсу, а таксама будзе патрабаваць абвяржэньняў ад расейскага выданьня.

“Там цалкам некарэктная рэч. Я ніякі не арганізатар, якое я маю права арганізоўваць нейкую арганізацыю, у мяне зусім іншыя функцыі. 30 гадоў працую ў “Дынама”, працую з прэсай, але ніколі такой подласьці ад журналістаў ня бачыў”, -- заявіў Паўлоўскі Свабодзе.
  • 16x9 Image

    Віталь Цыганкоў

    Віталь Цыганкоў скончыў факультэт журналістыкі БДУ. Адзін з двух заснавальнікаў першага недзяржаўнага агенцтва навінаў БелаПАН. Працаваў ў газэтах «Звязда», быў карэспандэнтам у Беларусі расейскай «Независимой газеты», Associated Рress, аглядальнікам у газэце «Свабода».  На беларускай Свабодзе ад 1994 году. Карэспандэнт расейскай Свабоды ў Беларусі.
     

XS
SM
MD
LG