Лінкі ўнівэрсальнага доступу

logo-print

Гандляры півам зноўку пікетуюць аблвыканкам


Сёньня ўранку каля 70 гомельскіх прадпрымальнікаў, якія гандлююць півам, зноўку прыйшлі да аблвыканкаму.

Яны патрабавалі адказу на перададзенае напярэдадні патрабаваньне адмяніць рашэньне выканкаму на забарону з 8 ліпеня продажу піва ў шапіках. Абмежаваньне вядзе да скарачэньня працоўных месцаў, зьмяншэньня бюджэтных плацяжоў.

Паводле дырэктара прыватнага прадпрыемства “Гомельгандальсеткі” Ігара Гатальскага, прыватны бізнэс прадае блізу 1 адсотка піва. Дык хто, у такім разе, спойвае падлеткаў?

Начальнік управы гандлю й паслуг аблвыканкаму Валяр’ян Бяспалы папрасіў прадпрымальнікаў разысьціся. Паінфармаваў, што іхні зварот на адмену рашэньня разглядаецца. Пасьля гэтага прадпрымальнікі пакінулі пляцоўку перад уваходам у аблвыканкам.

Заўтра яны наважаны таксама прыйсьці сюды, каб атрымаць адказ ад кіраўніцтва аблвыканкаму.
XS
SM
MD
LG