Лінкі ўнівэрсальнага доступу

Гісторыю Літвы можна паглядзець у Менску


У Менску праходзіць выстава, прысьвечаная тысячагодзьдзю першай згадкі Літвы ў летапісах.

На ёй прадстаўлены матэрыялы пра найважнейшыя падзеі ў гісторыі Літвы, пачынаючы ад XI стагодзьдзя і да зьнішчэньня літоўскай дзяржаўнасьці напрыканцы XVIII стагодзьдзя. Яны ілюструюць акупацыю Літвы царскай Расеяй, пэрыяд незалежнай Літоўскай рэспублікі (1918—1940) і час пазьнейшых акупацыяў, якія працягваліся паўстагодзьдзя (1940—1990), а таксама гісторыю адраджэньня літоўскай незалежнасьці да ўступленьня ў Эўразьвяз і НАТО, гаворыцца ў паведамленьні амбасады.

Гэтая выстава таксама будзе прадстаўлена ў бальшыні краінаў ЭЗ, у ЗША, Амэрыцы, Японіі і Ізраілі.

Выстава падрыхтавана Літоўскім мастацкім музэем сумесна зь Міністэрствам замежных спраў Літвы. У экспазыцыі выкарыстоўваюцца іканаграфія, карціны, каштоўнасьці культурнай спадчыны краіны.

Паказаць камэнтары

XS
SM
MD
LG