Лінкі ўнівэрсальнага доступу

Сьвіным грыпам заразіліся каля мільёна жыхароў ЗША


Паводле разьлікаў Міністэрства аховы здароўя ЗША, вірусам A/H1N1, вядомым як сьвіны грып, захварэлі амаль мільён амэрыканцаў, паведамляе 27 чэрвеня BBC.

Па словах мэдыкаў, у большасьці хворых знаходзяць слаба выяўленыя сымптомы.

Агульная колькасьць памерлых ад віруса ў ЗША - 130 чалавек.

Напярэдадні генэральны дырэктар эўрапейскага бюро Ўсясьветнай арганізацыі аховы здароўя Маркс Данзон заявіў, што сьвет стаіць на парозе пандэміі з новым вірусам.

“Мы ўсьведамляем, што вірус можа быць непрадказальным. Сёньня ён можа быць мяккім, а заўтра вельмі небясьпечны з-за мутацыі”.

У 30 з 53 эўрапейскім краінах вірус ужо ёсьць, зазначыў ён.

Раней Усясьветная арганізацыя аховы здароўя абвясьціла, што ўводзіць шосты максымальны ўзровень пагрозы пандэміі новага грыпу. Паводле мэдыкаў, хуткага распаўсюду інфэкцыі можна чакаць сёлета восеньню.



XS
SM
MD
LG