Лінкі ўнівэрсальнага доступу

Суд на Іванам Круком працягнецца сёньня


Іван Крук

Іван Крук

Яму інкрымінуюць распаўсюд друкаваных выданьняў без выходных дадзеных.


Як распавёў сам актывіст, 26 красавіка ён сустрэў на вуліцы суседа-пэнсіянэра і даў яму газэты “Астравецкі весьнік”, “Мірны атам”, “Новы час”, “Глыток паветра”, Вілейшчына”, у якіх былі надрукаваныя артыкулы пра будаўніцтва Астравецкай АЭС.

Усе яны потым былі канфіскаваныя міліцыянтамі, а ў Івана Крука ўчастковы ўзяў пісьмовае тлумачэньне і разам з газэтамі накіраваў у Міністэрства інфармацыі. Там на яго быў складзены адміністрацыйны пратакол і накіраваны ў Астравецкі суд.

На першым паседжаньні спадар Крук заявіў некалькі хадайніцтваў і паседжаньне суду перанесьлі на сёньня.

Спадар Крук лічыць, што падобнымі дзеяньнямі ўлады парушаюць артыкул 33 Канстытуцыі, якая гарантуе свабоду думак і іх свабоднае выказваньне і артыкул 34 – права грамадзян на атрыманьне дакладнай інфармацыі. А таксама Орхускую канвэнцыю, якую падпсіала Беларусь.



Орхуская канвэнцыя — гэта міжнародная дамова, якая аб’ядноўвае экалягічныя і агульныя правы чалавека . Яна дае грамадзянам шырокія правы і ўскладае на дзяржаўныя органы пэўныя абавязкі ў галіне забесьпячэньня доступу да экалягічнай інфармацыі і ўдзелу грамадзкасьці ў прыняцьці значных рашэньняў. Канвэнцыя забясьпечвае таксама і доступ да правасудзьдзя. Гэтыя палажэньні складаюць так званыя тры пастуляты Орхускай канвэнцыі. У Беларусі Орхуская канвэнцыя ўступіла ў сілу 30 кастрычніка 2001 году.
XS
SM
MD
LG