Лінкі ўнівэрсальнага доступу

Пасьля падпісаньня пагадненьняў, якія спынілі гэтак званую малочную вайну Расеі супраць Беларусі, беларускіх вытворцы малочнай прадукцыі аднаўляюць свае пастаўкі ў Расею.


Магілёўская "Бабушкина крынка" сёньня накіроўвае ў Расею некалькі фураў з усімі відамі сваёй прадукцыі, паведаміла БЕЛТА намесьніца дырэктара прадпрыемства Тацьцяна Бондар.

“Слонімскія малочныя прадукты” рыхтуюць пастаўку 80 тонаў масла і 20 тонаў тварагу.

На “Пастаўскі малочны завод” прыйшлі фуры з расейскага горада Іванава.

Заводы накіравалі матэрыялы для атрыманьня новых расейскіх сэртыфікатаў якасьці.

Намесьнік міністра сельскай гаспадаркі Беларусі Міхаіл Савельеў паведаміў, што на перамовах у Маскве 16 чэрвеня расейскім органам кіраваньня быў перададзены сьпіс прадпрыемстваў, якія будуць пастаўляць прадукцыю на экспарт у Расею, а таксама асартымэнт малочных тавараў, якія маюць дазволы санітарных службаў Расеі. Гэты сьпіс будзе дзейнічаць пакуль беларускія прадпрыемствы па новай ня пройдуць рэгістрацыю ў лябараторыях “Расспажыўнагляду”.

“Мы пастараемся гэты працэс не зацягваць”,-- зазначыў Савельеў. Першая машына зь беларускім маслам пайшла ў Расею яшчэ вечарам 16 чэрвеня.
XS
SM
MD
LG