Падрыхтоўка да вучэньняў ідзе паводле пляну, паведамілі БЕЛТА ў Міністэрстве абароны.
Асноўным месцам правядзеньня вучэньняў стане Абуз-Лясноўскі палігон у Беларусі. Практычныя дзеяньні тут заплянаваныя на 30 верасьня 2009 году.
Паводле папярэдніх дадзеных, колькасьць асабовага складу, які возьме ўдзел у вучэньнях на тэрыторыі Беларусі, складзе каля 13 тысяч вайскоўцаў, у тым ліку каля 5—6 тысяч з Расеі.
Для ўдзелу ў вучэньнях у Беларусь прыбудзе некалькі асобных вайсковых частак з Расеі. Таксама плянуецца прызваць на вайсковыя зборы каля 1,8 тысяч ваеннаабавязаных.
Усяго прадугледжваецца прыбыцьцё некалькіх органаў вайсковага ўпраўленьня армейскага зьвяна з падразьдзяленьнямі забесьпячэньня і да 4 мотастралковых і танкавых брыгад узброеных сілаў Расеі. Беларусь выставіць тры брыгады — дзьве мэханізаваныя і адну мабільную.
