“Паколькі Ўкраіна зьяўляецца краінай з рынкавай эканомікай – узровень і намэнклятура імпарту абумоўленыя попытам насельніцтва. І ў выпадку павелічэньня попыту з боку ўкраінцаў на беларускую малочную прадукцыю, натуральна будзе павялічаны і імпарт”, - заявіў агенцтву “Интерфакс-Запад” Надзвычайны і Паўнамоцны пасол Украіны ў Беларусі Ігар Ліхавы.
“Пасьля таго, як Украіна далучылася да Ўсясьветнай гандлёвай арганізацыі, яе рынкі сталі больш адкрытымі”, - дадаў дыплямат.
Ліхавы таксама зазначыў: “Высокая якасьць беларускай малочнай прадукцыі шырока вядомая і ва Ўкраіне”.
