Лінкі ўнівэрсальнага доступу

Беларусь хоча заблякаваць стварэньне калектыўных сіл АДКБ


МЗС Беларусі паведаміла, што Беларусь нязгодная з рашэньнямі саміта АДКБ, на якім хочуць стварыць Калектыўныя сілы хуткага рэагаваньня арганізацыі.

Паводле прэсавай службы МЗС Беларусі, у сакратарыят АДКБ сёньня перададзеная афіцыйная нота беларускага боку. У ёй гаворыцца, што згодна са статутнымі дакумэнтамі АДКБ няўдзел Беларусі ў саміце гэтай арганізацыі (у пасяджэньнях Рады калектыўнай бясьпекі, Рады міністраў замежных спраў, Рады міністраў абароны) “абазначае адсутнасьць згоды Беларусі на прыняцьце разгляданых гэтымі органамі рашэньняў і адпаведна адсутнасьць кансэнсусу для прыняцтьця рашэньняў у адпаведнасці з правілам 14”.

Беларускі бок спасылаецца пры гэтым на правілы працэдуры органаў АДКБ.

Асноўны пункт парадку дня сёньняшняга саміту АДКБ – стварэньне калектыўных сіл хуткага рэагавання АДКБ. Такім чынам Беларусь заяўляе пра сваю нязгоду на ўдзел у гэтых сілах і нават спрабуе заблякаваць іх стварэньне кансэнсусным шляхам.

Паводле артыкулу 12 Статуту АДКБ, падпісанага 7 кастрычніка 2002 года, рашэньні Рады калектыўнай бясьпекі, Рады міністраў замежных спраў, Рады міністраў абароны і Камітэту сакратароў радаў бясьпекі АДКБ прымаюцца кансэсусам. Выключэньне складаюць працэдурныя пытаньні. Стварэньне калектыўных сілаў рэагаваньня да працэдурных не адносіцца.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG