У адпаведнасьці з артыкулам 21.14 адміністрацыйнага кодэксу камісія вынесла пастанову, каб аштрафаваць спадара Хамайду на 3 базавыя велічыні.
Чальцы камісіі размаўлялі з апазыцыянэрам празь перакладчыка: ён загадзя зьвярнуўся з такім хадайніцтвам, бо, паводле ягонага ранейшага досьведу, супрацоўнікі Чыгуначнай раённай адміністрацыі не валодаюць беларускай мовай.
Падставай, каб выклікаць Барыса Хамайду на пасяджэньне адміністрацыйнай камісіі, стала чарговае затрыманьне апазыцыянэра, якое адбылося 7-га траўня каля так званага “сіняга дому” — дому нумар 28 па вуліцы Леніна ў Віцебску. На гэтым месцы амаль штодня актывіст распаўсюджвае газэту “Наша ніва” і часопіс “ARCHE”.
Супрацоўнікі міліцыі затрымалі Барыса Хамайду і склалі пратакол за тое, што ён нібыта “загрувашчвае вуліцу Леніна, усталяваўшы самаробны столік з друкаванай прадукцыяй”. Апазыцыянэр спрабаваў давесьці камісіі, што ягоны столік у 50 сантымэтраў шырынёй ніяк ня мог загрувасьціць усю вуліцу. Між тым якраз цяпер дом № 28 рамантуюць, і агароджа вакол яго займае прынамсі два мэтры ходнікаў, аднак гэта ня лічыцца парушэньнем.
Тлумачэньні спадара Хамайды камісію не пераканалі. Актывіст мяркуе, што затрыманьне й штраф зьвязаныя зусім ня з тым, што ягоны столік з газэтамі ды часопісамі камусьці замінае. Ён лічыць, што ягоная прысутнасьць у цэнтры гораду падалася камусьці непажаданай, бо побач са сваім “працоўным месцам” ён прыстроіў вялікую выяву “Пагоні”, якую намалявала мастачка Сьвятлана Баранкоўская.
З падобнай прычыны віцебскага распаўсюдніка незалежнай прэсы затрымлівалі двойчы. 15 траўня міліцыянты таксама адвезьлі яго ў апорны пункт, дзе патлумачылі, што ягоны столік з раскладзенымі друкаванымі выданьнямі замінае мінакам і ўвогуле псуе гарадзкі краявід.
Чальцы камісіі размаўлялі з апазыцыянэрам празь перакладчыка: ён загадзя зьвярнуўся з такім хадайніцтвам, бо, паводле ягонага ранейшага досьведу, супрацоўнікі Чыгуначнай раённай адміністрацыі не валодаюць беларускай мовай.
Падставай, каб выклікаць Барыса Хамайду на пасяджэньне адміністрацыйнай камісіі, стала чарговае затрыманьне апазыцыянэра, якое адбылося 7-га траўня каля так званага “сіняга дому” — дому нумар 28 па вуліцы Леніна ў Віцебску. На гэтым месцы амаль штодня актывіст распаўсюджвае газэту “Наша ніва” і часопіс “ARCHE”.
Супрацоўнікі міліцыі затрымалі Барыса Хамайду і склалі пратакол за тое, што ён нібыта “загрувашчвае вуліцу Леніна, усталяваўшы самаробны столік з друкаванай прадукцыяй”. Апазыцыянэр спрабаваў давесьці камісіі, што ягоны столік у 50 сантымэтраў шырынёй ніяк ня мог загрувасьціць усю вуліцу. Між тым якраз цяпер дом № 28 рамантуюць, і агароджа вакол яго займае прынамсі два мэтры ходнікаў, аднак гэта ня лічыцца парушэньнем.
Тлумачэньні спадара Хамайды камісію не пераканалі. Актывіст мяркуе, што затрыманьне й штраф зьвязаныя зусім ня з тым, што ягоны столік з газэтамі ды часопісамі камусьці замінае. Ён лічыць, што ягоная прысутнасьць у цэнтры гораду падалася камусьці непажаданай, бо побач са сваім “працоўным месцам” ён прыстроіў вялікую выяву “Пагоні”, якую намалявала мастачка Сьвятлана Баранкоўская.
З падобнай прычыны віцебскага распаўсюдніка незалежнай прэсы затрымлівалі двойчы. 15 траўня міліцыянты таксама адвезьлі яго ў апорны пункт, дзе патлумачылі, што ягоны столік з раскладзенымі друкаванымі выданьнямі замінае мінакам і ўвогуле псуе гарадзкі краявід.
