Лінкі ўнівэрсальнага доступу

Эўрапарлямэнтар: “Далучэньне рэжыму да Ўсходняга партнэрства заўчаснае”


Аляксандар Ламбсдорф

Аляксандар Ламбсдорф

Дэпутат Эўрапарлямэнту, нямецкі лібэральны палітык граф Аляксандар Ламбсдорф лічыць “заўчасным далучэньне лукашэнкаўскай Беларусі да “Ўсходняга партнэрства” і адпаведнае фінансаваньне гэтага беларускага рэжыму за сродкі ЭЗ”.


Адказваючы на пытаньні наведнікаў дэпутацкага сайту abgeordnetenwatch.de наконт мэтазгоднасьці лібэралізацыі палітыкі Брусэля ў дачыненьні да афіцыйнага Менску, сябра партыі нямецкіх вольных дэмакратаў, прадстаўнік камітэту па замежных справах Эўрапарлямэнту адзначае:

“Да таго часу, пакуль краіна не прадэманструе адпаведнага эўрапейскім стандартам прагрэсу ў галіне правоў чалавека і дэмакратызацыі, я ня бачу падставаў для зьмякчэньня санкцый. Стратэгію ЭЗ на дыялёг зь Менскам я падтрымаю толькі ў тым выпадку, калі да падобнага дыялёгу будзе далучаная і беларуская апазыцыя”.
XS
SM
MD
LG