“Тэрміны будаўніцтва — пяць год ад першага бэтону плюс год-паўтара на падрыхтоўчыя працы”, — паведаміў Інтэрфаксу намесьнік кіраўніка "Росатаму" Аляксандар Лакшын.
Ён зазначыў: “Калі пачнуцца падрыхтоўчыя працы і будзе заліты першы бэтон, залежыць ад графіку будаўніцтва, ад умоваў фінансаваньня”.
“Гэтыя ўмовы могуць мяняцца” — дадаў Лакшын.
Расейскі чыноўнік зазначыў, што РФ не плянуе цалкам крэдытаваць будаўніцтва АЭС: “У гэтым пагадненьні ўмовы фінансаваньня пакуль не прапісваюцца”.
У сваю чаргу, Беларусь просіць у Расеі $9 млрд крэдыту на будаўніцтва АЭС, паведаміў міністар фінансаў Расеі Аляксей Кудрын.
