23 траўня БХД назаве свайго кандыдата ў прэзыдэнты

Партыя Беларускай хрысьціянскай дэмакратыі ладзіць нацыянальную канфэрэнцыю. У сходзе 23 траўня будзе ўдзельнічаць 120 дэлегатаў.

Абіраць кандыдата на прэзыдэнта будуць патаемным галасаваньнем. Пераможа той, хто атрымае большасьць галасоў.

На кандыдата прэтэндуюць сустаршыні БХД Віталь Рымашэўскі і Георгій Дзьмітрук, намесьнік кіраўніка Менскай гарадзкой арганізацыі БХД Леанід Скарабагаты, паведамляе прэсавая служба гэтай незарэгістраванай арганізацыі.