Пра гэта ў інтэрвію Інтэрфаксу заявіла старшыня Цэнтарвыбаркаму Лідзія Ярмошына.
“Цягам абмеркаваньня рэкамэндацыяў, якія вылучыла АБСЭ па выніках мінулых парлямэнцкіх выбараў, экспэртамі быў падрыхтаваны
кампрамісны варыянт прапановаў па зьмяненьні выбарчага заканадаўства. Падрыхтаваныя менавіта прапановы, а не законапраект. Там увогуле няма якіх-небудзь навэл, якія б мянялі выбарчую сыстэму Беларусі".
Паводле яе словаў, прапановы датычаць перш за ўсё вядзеньня перадвыбарчай агітацыі і фінансаваньня. Цяпер яны накіраваныя на разгляд міністэрстваў і ведамстваў Беларусі для выпрацоўкі адзінай пазыцыі. На іх аснове можа быць падрыхтаваны законапраект, калі будзе атрымана даручэньне суб'екта заканадаўчай ініцыятывы. “Такога даручэньня пакуль няма,-- заявіла Ярмошына.