Лінкі ўнівэрсальнага доступу

logo-print

Улады загаварылі пра зьмяншэньне аб'ёмаў ільготнага жыльля


У Беларусі трэба перайсьці ад адміністрацыйных да рынкавых мэханізмаў набыцьця жыльля. Такую думку карэспандэнту БелТА выказала старшыня Пастаяннай камісіі Палаты прадстаўнікоў па жыльлёвай палітыцы, будаўніцтве, гандлі і прыватызацыі Галіна Палянская.

Дэпутат зьвярнула увагу на тое, што ў Беларусі будаўніцтва жыльля "у асноўным ідзе з падтрымкай дзяржавы". Аднак прыйшоў час сур'ёзна прааналізаваць, хто менавіта атрымлівае гэтую падтрымку, ці сапраўды яе аказваюць толькі тым, хто на самай справе мае патрэбу ў дапамозе, і менавіта на гэта указаў у сваім пасланьні Прэзыдэнт. "У прадстаўленьні дзяржпадтрымкі на будаўніцтва жыльля трэба ўсталяваць прыярытэты і выконваць адраснасьць. У першую чаргу дзяржава павінна дапамагаць у будаўніцтве жыльля (у тым ліку і фінансава) тым, хто сапраўды мае патрэбу. Гэта шматдзетныя сем'і, інваліды, іншыя сацыяльна неабароненыя катэгорыі", - падкрэсьліла парлямэнтарый.

Паводле яе слоў, у Беларусі дасягнуты дастаткова высокі паказчык забясьпечанасьці жыльлём -- каля 23 квадратных мэтраў на чалавека. "У той жа час каля 60 тысяч сем'яў наогул не маюць ніякага жыльля ва ўласнасьці. Дапамагаць трэба ў першую чаргу ім", --упэўненая Галіна Палянская.

Парлямэнтарый падтрымлівае ініцыятыву па зьніжэньні тэмпаў будаўніцтва жыльля ў сталіцы. "Нам неабходна нарошчваць аб'ёмы будаўніцтва жыльля ў рэгіёнах. Для чаго? Для пісьменнага разьмеркаваньня працоўных рэсурсаў. Для таго каб моладзь паехала ў сельскую мясцовасьць, у рэгіёны", - патлумачыла яна. Больш таго, дэпутат лічыць своечасовымі плян па зьніжэньні нарматыву забясьпечанасьці жыльлём у Менску, што дазволіць скараціць чаргу маюць патрэбу ў паляпшэньні жыльлёвых умоў і пераарыентаваць людзей на выкарыстаньне іншых мэханізмаў набыцьця жыльля, не толькі льготнага крэдытаваньня. Маецца на ўвазе сыстэма жыльлёвых будаўнічых зьберажэньняў, іпатэчнае крэдытаваньне, сыстэм сацыяльнага і арэнднага жыльля.
XS
SM
MD
LG