Фотарэпартаж: Першамайскі мітынг на плошчы Бангалор

Беларускі прафсаюз работнікаў радыёэлектроннай прамысловасьці, сабраўшы актывістаў зь Менску і рэгіёнаў, правёў на плошчы Бангалор санкцыянаваную ўладамі першамайскую акцыю.

Мітынг сабраў каля 200 чалавек, -- паведамляе газэта "Салідарнасьць" і прыводзіць словы старшыні прафсаюзу РЭП Генадзя Фядыніча:

-- Ва ўмовах таго, што многія гады нам не дазвалялі праводзіць падобныя мерапрыемствы, лічу сёньняшнюю маёўку ўдалай. Улічваючы, што дазвол мы атрымалі чатыры дні таму, нам удалося сабраць больш за дзьвесьце чалавек. Яны прадстаўляюць усе рэгіёны Беларусі.