Лінкі ўнівэрсальнага доступу

Сурвіла: з чэскім прэм'ерам гаварылі аб захаваньні беларускай культуры


Старшыня рады БНР Івонка Сурвіла сёньня разам з Аляксандрам Казуліным, Аляксандрам Мілінкевічам, Зянонам Пазьняком, Станіславам Шушкевічам мела сустрэчу з чэскім прэм'ер-міністрам Мірэкам Тапаланкам.

Івонка Сурвіла госьцяй "Начной Свабоды" 5-га траўня. Цалкам інтэрвію чытайце заўтра, а зараз прапануем фрагмэнт, які тычыцца сустрэчы зь Мірэкам Тапаланкам:

Сурвіла: Размова была вельмі сымпатычнай. Ён вельмі добра ведаў сытуацыю. І мы фактычна прадставілі нашыя галоўныя жаданьні. Адно з іх, якое мы лічым вельмі важным - зьберажэньне беларускай культуры. Каб якім-небудзь спосабам было напісана ў пратакол намаганьняў Эўропы, каб ня нішчылася беларуская культура.

Гэта, як вам ведама, культурай карыстаюцца ўсе імпэрыялісты, нішчачы яе, каб асіміляваць край альбо заняць край. Дзеля гэтага нашая культура была зьнішчаная поўнасьцю. І цяпер працягвае нішчыцца. А паколькі калі "Партнэрства" гэтае будзе сапраўды такім, якога жадае Эўропа, а не спадар Лукашэнка, калі яно будзе карысным для Беларусі, дык вельмі важна, каб гэта не дало магчымасьці Лукашэнку далей зьнішчаць нашую культуру. І фактычна, найбольш часу правялі з спадаром прэм'ер-міністрам Чэхіі, дыскутуючы пра гэтае пытаньне.

Івонка Сурвіла: Цудоўныя ўражаньні ад сустрэчы з моладзьдзю

Зянон Пазьняк: Прэм’ер падтрымаў нашу пазыцыю
  • 16x9 Image

    Ганна Соўсь

    Ганна Соўсь нарадзілася ў Менску. Скончыла факультэт журналістыкі БДУ. Працавала ў незалежнай газэце «Народная воля»(1997-2000). Ад 2000 году працуе на «Свабодзе». Кнігі на «Свабодзе» — «Дарога праз Курапаты» (аўтарка рэпартажаў), «Адзін дзень палітвязьня» (ідэя і ўкладальніца), «Адзін дзень палітвязьня. 2009-2011»(ідэя і ўкладальніца), «Жыцьцё пасьля раку» (аўтарка ідэі і каардынатарка праекту, рэдактарка). Аўтарка праекту «Расея і я», сэрыі інтэрвію з 12 экс-прэзыдэнтамі постсавецкіх кранаў. Сябра БАЖ.

Паказаць камэнтары

XS
SM
MD
LG