Лінкі ўнівэрсальнага доступу

logo-print

Лукашэнка і Юшчанка сустрэнуцца 6 траўня


Віктар Юшчанка і Аляксандар Лукашэнка

Віктар Юшчанка і Аляксандар Лукашэнка

Перамовы адбудуцца ў Гомелі, паведамляе прэсавая служба прэзыдэнта Ўкраіны.


"Будзе такі ж дакладна фармат, які быў на сустрэчы ў Чарнігаве — двухбаковая сустрэча, а потым сустрэча ў пашыраным складзе. Пасьля гэтага, хутчэй за ўсё, адбудзецца сумесная прэсавая канфэрэнцыя", — сказаў супрацоўнік прэсавай службы Юшчанкі БелаПАН.

Плянуецца, што адной з галоўных тэм перамоў двух прэзыдэнтаў будзе праграма "Усходняе партнэрства", да ўдзелу ў якой запрошаны Беларусь і Украіна.

У прэс-службе прэзыдэнта Беларусі інфармацыю пра заўтрашнюю сустрэчу пакуль не пацьвярджаюць.

Апошні раз Лукашэнка і Юшчанка сустракаліся 20 студзеня ў Чарнігаве (Украіна). Па выніках сустрэчы прэзыдэнтаў быў падпісаны шэраг дакумэнтаў: мэмарандум аб супрацоўніцтве ў энэргетычнай сфэры, консульская канвэнцыя, мэмарандум паміж урадамі і нацбанкамі пра выпрацоўку захадаў па інтэнсіфікацыі гандлёва-эканамічнага супрацоўніцтва ва ўмовах крызісу, міжурадавае пагадненьне пра спрошчаны парадак праезду беларускага ўчастка аўтадарогі Славуціч — Чарнобыльская АЭС работнікамі і транспартнымі сродкамі прадпрыемстваў, якія ажыцьцяўляюць дзейнасьць у зоне адсяленьня, і пратакола да дадзенага пагадненьня.

Паказаць камэнтары

XS
SM
MD
LG