Мэталічныя рамы ўстаноўленыя на ўсіх чатырох уваходах у гарадзкі парк імя 30-годзьдзя ВЛКСМ. Ля кожнага дзяжураць міліцыянты. Яны папярэджваюць усіх, што сёньня ў парк забараняецца прыносіць сьпіртовыя напоі, а таксама любыя напіткі ў шкляным посудзе, тэтрапакеты і цёмныя плястыкавыя пляшкі, колкія і вострыя прадметы, а таксама тыя, якія лёгка загараюцца.
“Ну што мне гэтае Першага мая? Думаў на дачу паехаць, а начальства прымусіла ісьці сюды. Усіх нас прыгналі, рабацяг. Хто адмовіцца — усіх звольняць. Вось яно і Першага мая. Толькі заводу ня ўказвайце, а то звольняць. А мне два гады да пэнсіі засталося”.
