Лінкі ўнівэрсальнага доступу

logo-print

Недзяржаўны "Ўзгорак" легалізавалі


Эдуард Брокараў

Эдуард Брокараў

Міністэрства юстыцыі зарэгістравала горацкую недзяржаўную газэту “Ўзгорак”. Пра гэта сёньня яе рэдактару Эдуарду Брокараву паведаміў супрацоўнік міністэрства.


“Узгорак” мае статус “агульнапалітычнай газэты”. Акрамя Гораччыны, ён будзе распаўсюджвацца ў суседніх Дрыбінскім і Мсьціслаўскім раёнах. ”Я намагаўся зарэгістраваць ад 2002 году. Аднак згодна з старым законам “Аб сродках масавай інфармацыі” трэба было ўзгадняць зь мясцовай уладай юрыдычны адрас выданьня. Выканкам усё рабіў, каб “Узгорак” ня меў юрыдычнага адрасу. Цяпер такога патрабаваньня ў законе няма. Я стварыў прыватнае прадпрыемства, і выданьне зарэгістравалі”, — кажа Эдуард Брокараў.

Цяпер уладальнік зарэгістраванай газэты зоймецца арганізацыйнымі пытаньнямі. Першы нумар плянуе выдаць празь месяц. Наклад пакуль будзе каля адной тысячы асобнікаў. Калі ня будзе праблемаў з распаўсюдам, то, заяўляе спадар Брокараў, наклад павялічыцца да трох-пяці тысяч.

Паказаць камэнтары

XS
SM
MD
LG