Лінкі ўнівэрсальнага доступу

Лябедзька: “Акт палітычнай капітуляцыі з рук Эўропы”


Анатоль Лябедзька

Анатоль Лябедзька

Знаходзячыся зь візытам у Рызе, міністар замежных спраў Беларусі Сяргей Мартынаў пацьвердзіў, што кіраўнік Беларусі Аляксандар Лукашэнка разам зь іншымі кіраўнікамі постсавецкіх краін — удзельніц праграмы “Ўсходняе партнэрства” будзе прысутнічаць на саміце ЭЗ у Празе. Паводле старшыні АГП Анатоля Лябедзькі, некаторыя палітыкі меркавалі, што кіраўнік Беларусі, маўляў, не паедзе ў Прагу, бо яго прысутнасьць на саміце непажаданая.

“Лукашэнка зыходзіць са сваіх прагматычных інтарэсаў. Яму патрэбна прыняць у Празе акт палітычнай капітуляцыі з рук Эўропы ў прысутнасьці першых асобаў эўрапейскіх краінаў. Па другое, яму трэба накіраваць некалькі пасланьняў-мэсыджаў да асобных групаў насельніцтва ў Беларусі.

У сытуацыі крызісу для Лукашэнкі надзвычай важна даць сыгнал намэнклятуры, што ён моцны палітык, што яго прызнае Эўропа, што ён кантралюе сытуацыю. І гэта будзе пасыл, каб вэртыкаль не распаўзалася. Яму трэба пасланьне да сваіх апанэнтаў, што прызнаюць менавіта яго і ён будзе на сустрэчы зь лідэрамі, а не прадстаўнікі АДС. І яму трэба псыхалягічная перамога, каб умацаваць дэзынтэграцыйныя тэндэнцыі ўнутры дэмсілаў. І яму патрэбна пасланьне для тых, хто вагаецца, — што для яго адчынены эўрапейскія дзьверы.

Ён пастараецца сабраць з гэтага максымум, што яму патрэбна. І я прагназую, што ня будзе ніякіх дэмаршаў у Празе. Нават калі скажуць, што тут дэфіцыт дэмакратыі, то для Лукашэнкі гэта будзе ўсё роўна як пахвала. Але на ўсю катушку будуць працаваць некалькі камэраў беларускай тэлевізіі“.

Паказаць камэнтары

XS
SM
MD
LG