Партрэты зьніклых — на Дзьвінскім мосьце ў Віцебску

Каля дзявятай вечара ў Віцебску на мосьце церазь Дзьвіну моладзевыя актывісты вывесілі партрэты Генадзя Карпенкі, Віктара Ганчара, Анатоля Красоўскага, Юрыя Захаранкі і Зьмітра Завадзкага.

Акцыю з нагоды Дня Салідарнасьці ад пачатку меркавалі праводзіць у больш шырокім фармаце — пастаць ланцугом каля Дзяржаўнага акадэмічнага тэатра імя Якуба Коласа ў цэнтры гораду ды запаліць сьвечкі. Аднак там дзяжурылі некалькі міліцэйскіх машын і супрацоўнікі Кастрычніцкага РАУСу ў цывільным.

Міліцыянты не разьяжджаліся й пільнавалі актывістаў нават тады, калі партрэты ўжо віселі на Кіраўскім мосьце й іх разглядалі віцебскія мінакі.