Ён таксама выказаўся “за пашырэньне супрацоўніцтва” і вітаў жаданьне кампаніі пашырыць свой бізнэс у Беларусі, перадае Інтэрфакс.
“Ведаю, што вы ўплывовая кампанія. Карыстаючыся момантам, я хацеў, каб вы зрабілі захады, каб санкцыі былі спынены на сталай аснове, - заявіў Уладзімер Сямашка. – Санкцыі прыпынены да першага чэрвеня. Але хіба можна ў гэтых умовах сур’ёзна думаць пра буйны бізнэс, пачынаць сур’ёзныя праекты”.
У.Сямашка таксама адзначыў, што беларускі бок не задавальняе скарачэньне таваразвароту паміж Беларусьсю і ЗША. У 2008 годзе параўнальна з 2007 ён паменшыўся на 15% і склаў 628 мільёнаў даляраў.
Паводле Ў.Сямашкі, гэта выклікана тым, што іншым разам гандлёва-эканамічныя стасункі зьмешваюцца з “несправядлівай палітыкай”.
Старшыня савета дырэктараў кампаніі спадар Коэг паабяцаў перадаць у ЗША пажаданьні Ў.Сямашкі тым, каго ён ведае.