Лінкі ўнівэрсальнага доступу

Лябедзька просіць Васілевіча праверыць адпачынак Лукашэнкі


Анатоль Лябедзька

Анатоль Лябедзька

Лідэр Аб'яднанай грамадзянскай партыі Анатоль Лябедзька просіць генэральнага пракурора Рыгора Васілевіча "правесьці праверку ўсіх абставінаў адпачынку Аляксандра Лукашэнкі і суправаджальных яго асоб у Сэрбіі на прадмет устанаўленьня магчымага нямэтавага выкарыстаньня дзяржаўных сродкаў".


Зварот на імя Рыгора Васілевіча быў накіраваны 3 сакавіка заказным лістом, паведаміў А.Лябедзька:

“Я падпісаў зварот у Генэральную пракуратуру, каб было праведзена расьсьледаваньне, за які кошт дэлегацыя накіравалася на адпачынак у Сэрбію. Ёсьць адчуваньне, што пералёт аплочваў беларускі падаткаплатнік. І ёсьць інфармацыя, што і сам адпачынак, знаходжаньне ў гатэлі таксама аплачаны беларускімі падаткаплатнікамі. Пачакаем адказу Генэральнай пракуратуры, а пасьля праз “Свабоду” праінфармуем, як працуе ў нас Генэральная пракуратура і за чые грошы пражывае Аляксандар Лукашэнка і ягонае атачэньне”.

Паводле А. Лябедзькі, у дэмакратычных краінах прынята інфармаваць грамадзян аб расходах на ўтрыманьне прадстаўнікоў вышэйшага эшалёна дзяржаўнай улады.

"Кожны чалавек мае права на законны адпачынак. Кожны грамадзянін Беларусі мае права самастойна выбіраць месца і час свайго адпачынку. Разам з тым, ёсьць заканадаўства, якое рэглямэнтуе межы дазволенага для высокапастаўленых чыноўнікаў, і, нарэшце, ёсьць нормы прыстойнасьці і этыкі дзяржаўнага служачага", — мяркуе Лябедзька.

Паказаць камэнтары

XS
SM
MD
LG