Лінкі ўнівэрсальнага доступу

Суд Маскоўскага раёну Берасьця прызнаў экстрэмісцкім №7-8 за мінулы год незалежнага часопіса ARCHE.


Заснавальніка часопісу Андрэя Дынька судзьдзя не дапусьціла на працэс.

Адвакат Павал Сапелка, які прадстаўляў рэдакцыю ў працэсе, заявіў, што рашэньне будзе абскарджанае ў абласным судзе.

Рэдактар часопісу Валер Булгакаў заявіў Свабодзе з гэтай нагоды:

“Гэта само па сабе папярэджаньне, што нягледзячы на эрозію лукашэнкаўскай сыстэмы, яе базавыя прынцыпы застаюцца непахіснымі. Нягледзячы на ўсю абсурднасьць абвінавачваньняў, змагацца з дзяржавай немагчыма, Normal 0 юрыдычныя зачэпкі заўсёды будуць знойдзеныя".

24 кастрычніка супрацоўніца берасьцейскай рэгіянальнай мытні Рэната Нядбаева палічыла, што зьвесткі, якія ўтрымліваюцца ў гэтым нумары часопіса ARCHE, “могуць нанесьці шкоду нацыянальным інтарэсам Рэспублікі Беларусь”. 10 асобнікаў выданьня, знойдзеныя ў багажы гісторыка Алеся Пашкевіча, былі забраныя на экспэртызу.

Упраўленьне КДБ па Берасьцейскай вобласьці прызнала нумар часопісу экстрэмісцкім, прызнаўшы, што ў ім знаходзяцца зьвесткі, якія дыскрэдытуюць дзейнасьць органаў улады Беларусі.

КДБ з 1100 старонак часопісу экстрэмісцкімі прызнала 4 фразы: з тэксту заходніх палітолягаў, рэцэнзіі на фільм “Катынь”, матэрыялаў круглага стала аб выбуху 4 ліпеня ў Менску і аналізу парлямэнцкіх выбараў 2008 году. Ніякіх заклікаў да гвалтоўнай зьмены пануючага рэжыму экспэрты КДБ не адзначылі.

Паводле гэтага рашэньня суду, арыштаваныя асобнікі часопісу могуць быць зьнішчаныя.

Паказаць камэнтары

XS
SM
MD
LG