Лінкі ўнівэрсальнага доступу

logo-print

Як падае агенцтва Апсныпрэс, міністар замежных спраў гэтай непрызнанай рэспублікі Сяргей Шамба расцаніў заяву міністра замежных спраў старшыні Эўразьвязу Чэхіі Карэла Шварцэнбэрга адносна магчымых нэгатыўных наступстваў для Менску ў выпадку прызнаньня незалежнасьці Абхазіі і Паўднёвай Асэтыі як “прамы ціск ЭЗ на сувэрэнную Беларусь”.


Шамба падкрэсьліў, што “праблема прызнаньня зьяўляецца ўнутранай справай дзяржавы, і гэта палажэньне было асноўным прынцыпам для дзяржаў – сяброў ЭЗ у выпадку прызнаньня незалежнасьці Косава”.

Нагадаем, што ў панядзелак у Брусэлі на прэсавай канфэрэнцыі пасьля нарады кіраўнікоў МЗС краінаў Эўразьвязу, на якой абмяркоўваліся пэрспэктывы Ўсходняга партнэрства, спадар Шварцэнбэрг заявіў, што парлямэнт Беларусі мае сувэрэннае права прымаць рашэньне, але ў выпадку прызнаньня незалежнасьці Абхазіі і Паўднёвай Асэтыі Беларусь “сутыкнецца зь вельмі сур'ёзнымі праблемамі” што да ўдзелу ў праграме Ўсходняе партнэрства, бо апынецца “па-за эўрапейскім кантэкстам”.
XS
SM
MD
LG