Кіраўнік аналітычнага цэнтру “Стратэгія” Леанід Заіка адзначае, што гэтая сума зусім не канчатковая:
“У 90-я гады, калі Ўсясьветны банк, Міжнародны валютны фонд ды іншыя арганізацыі рабілі замеры, яны ўсе адзначалі, што ў Беларусі практычна адсутнічае зьнешні дзяржаўны доўг.
Але ацэньваючы сытуацыю сёньня, трэба ўлічваць, што, акрамя названай сумы, ёсьць яшчэ пад 12 мільярдаў доўгу. Гэтыя грошы бралі банкі і прадпрыемствы на кароткачасовыя апэрацыі. Гэты доўг больш значны. І, акрамя таго, ёсьць 13 мільярдаў даляраў дэфіцыту ў гандлі з Расеяй”.