Лінкі ўнівэрсальнага доступу

Помнік нязгоды


У Берасьці пачалі зьбіраць подпісы пад патрабаваньнем прыпыніць усталяваньне помніка да 1000-годьдзя гораду.


“Прынятая гарадзкімі ўладамі канцэпцыя помніка (…) на жаль, не адлюстроўвае складаны ды адметны гістарычны лёс гораду (…) скульптурная кампазыцыя выклікае яшчэ большае абурэньне грамадзянаў, разьвярэджвае шматвекавыя раны нашага народу”, — гаворыцца ў звароце да Міністэрства культуры, Берасьцейскага абласнога савету дэпутатаў і грамадзкага савету дэпутатаў.

“Подпісы плянуецца зьбіраць на працягу лютага і ня толькі ў абласным цэнтры. Для гэтага мы зьвярнуліся да інтэлігенцыі ўсёй краіны, выхадцаў з Брэста, якія жывуць за межамі рэгіёну, у тым ліку за мяжой”, — заявіла сябра ініцыятыўнай групы доктар урбаністыкі і архітэктуры Ірына Лаўроўская.

12 студзеня Берасьцейскі абласны выканаўчы камітэт ухваліў канчатковы варыянт манумэнтальнай скульптуры ў гонар 1000-годзьдзя Берасьця, нагадвае БелаПАН. Помнік будзе ўяўляць сабой шматплянавую і шматфігурную кампазыцыю, разьдзеленую на некалькі ўмоўных ярусаў. Яе вянчае фігура анёла — заступніка і абаронцы старажытнага Бярэсьця і сучаснага гораду. На сярэднім ярусе будуць усталяваныя ў круг шэсьць фігураў гістарычных асобаў: Уладзіміра-Валынскага князя Ўладзіміра Васількавіча, вялікага князя ВКЛ Вітаўта, Мікалая Радзівіла Чорнага, Андрэя Кіжаватава, Уладзіміра Карвата, Уладзіміра Калесьніка. Імя вялікага князя літоўскага і караля польскага каралеўства Ягайлы, які выдаў Бярэсьцю грамату на гарадзкое самакіраваньне (Магдэбурскае права), ушануюць барэльефам і тэкстам на ніжнім ярусе скульптуры — на адной з 12 плітаў, дзе будуць адлюстраваныя найбольш значныя падзеі ў гісторыі Берасьця.

XS
SM
MD
LG