Лінкі ўнівэрсальнага доступу

Падчас сустрэчы ў Чарнігаве зь Віктарам Юшчанкам Аляксандар Лукашэнка заявіў пра адсутнасьць нейкіх праблемаў ва ўзаемадачыненьнях Беларусі і Ўкраіны і кіраўніцтва абедзьвюх краін.


Ён заявіў, што ў Беларусі “няма ніякай алергіі ні да Ўкраіны, як да дзяржавы, ні да ўкраінскай вытворчасьці”. І прапанаваў наладзіць цеснае ўзаемадзеяньне з украінскім бокам у пытаньні пераадоленьня наступстваў усясьветнага фінансавага крызісу. Кіраўнік Беларусі адзначыў, што дагэтуль “назапасіўся шэраг пытаньняў, якія мы не маглі вырашыць раней, а сёньня, мы ў стане іх вырашыць”.

Таксама ён нагадаў прапанову прэзыдэнта Ўкраіны аб стварэньні калідору Чорнае мора-Балтыйскае мора.

“Мы гатовы працаваць з вамі і з краінамі Балтыі ў гэтым накірунку”, - заявіў кіраўнік Беларусі.

А.Лукашэнка запрасіў В.Юшчанку зь візытам у Беларусь.

Віктар Юшчанка заявіў пра наяўнасьць “палітычнай волі для разьвіцьця стасункаў зь Беларусьсю”.

“Я шчасьлівы, што нашы двухбаковыя стасункі не суправаджаюцца нейкімі праблемамі. Мы заўсёды гатовы супрацоўнічаць у нафтавай, энэргетычнай, транспартнай сфэрах”, - адзначыў Віктар Юшчанка.


Паказаць камэнтары

XS
SM
MD
LG