Лінкі ўнівэрсальнага доступу

logo-print

Газпром сёньня раніцай накіраваў ў Нафтагаз Украіны першую заяўку на транзыт 99,2 мільёнаў кубамэтраў газу ў суткі праз станцыю “Суджа”, якая падрыхтаваная для падачы газу ад 13 студзеня.


Як гаворыцца ў паведамленьні Газпрома, пасьля ўдакладненьня заявак эўрапейскіх і ўкраінскіх спажыўцоў была дасланая другая заяўка на 423 мільёнаў кубамэтраў.

У 9 гадзін беларускага часу Ўкраіна пачала транзыт расейскага газу ў Эўропу. У 10.10 пасьля ўзгадненьня другой заяўкі газ пачаў паступаць для спажыўцоў Украіны і па іншых газа-размеркавальных станцыях.

Транзыт пачаўся ў адпаведнасьці з дасягнутымі ўначы 18 студзеня дамоўленасьцямі паміж прэм'ер-міністрамі Расеі і Ўкраіны Ўладзімерам Пуціным і Юліяй Цімашэнкай. Аб'ём газу праз Украіну ў 2009 годзе складзе 120 мільярдаў кубамэтраў.

Паказаць камэнтары

XS
SM
MD
LG