Лінкі ўнівэрсальнага доступу

Улады будуць раіцца зь Сярэдзічам і Літвіной


Ёсіф Сярэдзіч і Жанна Літвіна

Ёсіф Сярэдзіч і Жанна Літвіна

16 студзеня старшыні Беларускай асацыяцыі журналістаў Жанне Літвіной, а таксама галоўнаму рэдактару “Народнай волі” Ёсіфу Сярэдзічу было афіцыйна прапанавана ўвайсьці ў склад грамадзкай каардынацыйнай рады ў сфэры масавай інфармацыі.

“Напярэдадні да мяне патэлефанаваў міністар інфармацыі сп. Русакевіч, які зьвярнуўся з падобнай прапановай. А ў пятніцу быў атрыманы афіцыйны ліст з Савету міністраў”, — заявіў Сярэдзіч “Нашай Ніве”. Галоўны рэдактар “Народнай волі” прыняў без асаблівых роздумаў гэтую прапанову. “А якія падставы адмаўляцца? Калі нешта не спадабаецца, то заўсёды можна махнуць рукой і сысьці”, — кажа ён.

“Быў бы ідэальны варыянт, калі б рада (калі яна будзе на нешта ўплываць) прыняла да разгляду пытаньне роўных эканамічных умоваў для СМІ рознай формы ўласнасьці, доступу да інфармацыі, прывядзеньня ў адпаведнасьць з міжнароднымі нормамі і стандартамі закону „Аб СМІ“, калі б у паўнамоцтвах рады былі такія пытаньні, як перарэгістрацыя, стварэньне цывілізаванага мэдыярынку… Але ўсё гэта пакажа час”, — прыводзіць словы Жанны Літвіной сайт БАЖу.

Загад аб стварэньні каардынацыйная рады па СМІ быў падпісаны яшчэ пры канцы кастрычніка.
  • 16x9 Image

    Віталь Цыганкоў

    Віталь Цыганкоў скончыў факультэт журналістыкі БДУ. Адзін з двух заснавальнікаў першага недзяржаўнага агенцтва навінаў БелаПАН. Працаваў ў газэтах «Звязда», быў карэспандэнтам у Беларусі расейскай «Независимой газеты», Associated Рress, аглядальнікам у газэце «Свабода».  На беларускай Свабодзе ад 1994 году. Карэспандэнт расейскай Свабоды ў Беларусі.
     

Паказаць камэнтары

XS
SM
MD
LG