Ён зазначыў, што плян уключае 52 мерапрыемствы, якія ўвайшлі ў 12 асноўных блёкаў, паведамляе БелаПАН. "Гэты дакумэнт закліканы прадоўжыць працэс дзеяньняў ураду па стварэньні прававога поля для больш простага і ўраўнаважанага вядзеньня бізнэсу", — зазначыў А.Тур.
Сярод асноўных пунктаў пляну Тур назваў: заяўны прынцып стварэньня прадпрыемстваў; зьняцьце адміністрацыйных бар'ераў; спрашчэньне працэдур сэртыфікацыі, узгадненьняў з санітарнымі, супрацьпажарнымі інспэкцыямі.
У пляне таксама адлюстраваныя схемы ўдасканаленьня сыстэм падаткаабкладаньня, мытнага афармленьня і кантрольнай дзейнасьці, маёмасных і зямельных адносін, разьвіцьця фінансавага рынку, інвэстыцыйнай дзейнасьці, цэнавага і антыманапольнага рэгуляваньня, і інш. Сярод мерапрыемстваў — устанаўленьне долі малых прадпрыемстваў для ўдзелу ў дзяржаўных закупках, зьняцьце абмежаваньняў на імпарт рыбы і інш.
Паводле меркаваньня Андрэя Тура, "у першым квартале гэтага года павінны ўжо зьявіцца станоўчыя вынікі рэалізацыі гэтага пляну". "Гэтыя мерапрыемствы — не канчатковыя, і яны скіраваныя на папярэджаньне негатыўных наступстваў крызісу і мінімізацыю яго наступстваў", — падкрэсьліў ён.