Лінкі ўнівэрсальнага доступу

logo-print

Саньнікаў: “Каб Беларусь не засталася па-за межамі ўвагі ЗША”


Андрэй Саньнікаў

Андрэй Саньнікаў

Што б вы хацелі, каб прэзыдэнт ЗША Абама зрабіў для Беларусі? На гэтае пытаньне адказвае міжнародны каардынатар “Хартыі-97” Андрэй Саньнікаў.


“Даволі нялёгкая спадчына ў Барака Абамы. Гэта зьвязаны ня толькі з папярэдняй адміністрацыяй ЗША, але і з тым, што адбываецца ў сьвеце – фінансавы крызіс, канфлікт на Блізкім Усходзе, Ірак, Аўганістан, гэтак далей.

Я хацеў бы найперш, каб Беларусь не заставалася па-за межамі ўвагі ЗША як найбуйнейшай дэмакратычнай краіны. Каб менавіта дэмакратыя, а не псэўда-дэмакратыя падтрымлівалася ў Беларусі. Трэба, каб адміністрацыя Абамы скарысталася тымі новымі магчымасьцямі, якія адчыняюцца ў Беларусі. Я лічу, што яны адчыняюцца – з-за таго, што сёньняшняя ўлада збанкрутавала, і трэба шукаць выйсьце і паразуменьне ўнутры краіны, а ў гэтым могуць дапамагчы ЗША.

Хочацца пажадаць, каб менавіта пытаньні дэмакратыі і незалежнасьці – дзьве рэчы, якія найбольш патрэбныя сёньня ў Беларусі – заставаліся ў цэнтры ўвагі ЗША”.

  • 16x9 Image

    Віталь Цыганкоў

    Віталь Цыганкоў скончыў факультэт журналістыкі БДУ. Адзін з двух заснавальнікаў першага недзяржаўнага агенцтва навінаў БелаПАН. Працаваў ў газэтах «Звязда», быў карэспандэнтам у Беларусі расейскай «Независимой газеты», Associated Рress, аглядальнікам у газэце «Свабода».  На беларускай Свабодзе ад 1994 году. Карэспандэнт расейскай Свабоды ў Беларусі.
     

XS
SM
MD
LG