Неабходную колькасьць пэўнай валюты людзі мусяць шукаць у розных канцах гораду.
У абменным пункце “Белзьнешэканамбанку” на праспэкце Незалежнасьці — чарга зь некалькіх чалавек. Гутару зь людзьмі:
Карэспандэнтка: “Ці ўпершыню вы ў банку? Ці спрабавалі ўжо набыць ці здаць валюту? Дарэчы, вы тут зараз стаіце чаму?”
Сталы спадар: “Не, ня здаць, а каб набыць. Жонка назьбірала, нахавала ад мяне, а зараз кажа — ідзі мяняй. Напалохалі. Сорам сказаць, але напалохалі. Усе бягуць, мяняюць. Што рабіць!”
Карэспандэнтка: “Ці вы ўжо спрабавалі набываць валюту?”
Спадарыня: “Спрабавала. Немагчыма набыць — 500 эўра паперчыны, а іншых няма. Калі толькі хто здасьць. Эўра няма, даляраў таксама. Складана набыць”.
Карэспандэнтка: “Чаму вы набываеце валюту?”
Спадарыня: “Самі ведаеце чаму. Страшна. Было ж ужо такое, калі былі ў людзей грошы ў банках і прапалі”.
Адзін з абменных пунктаў “Белінвэстбанку” месьціцца ў будынку крамы. Людзі ў чарзе стаяць на вуліцы, значная частка зь іх — сталага веку:
Карэспандэнтка: “Скажыце, калі ласка, чаму вы прыйшлі ў абменны пункт?”
Сталая спадарыня: “Валюту хацела набыць, але я так зразумела, што яе тут няма. Я ўжо ня ў першы банк зьвяртаюся, але валюты няма. Прычым ніякай: ні даляраў, ні эўра”.
Карэспандэнтка: “А чаму вы спрабуеце набываць?”
Спадарыня: “Бо беларускі рубель абсалютна абясцэніўся адносна нашай валюты. Зусім упаў. Таму і трэба пераводзіць грошы, каб хоць так захаваць на сьмерць. Хоць нешта, але і гэтак не атрымоўваецца. Бачыце — нельга купіць нават і па вялікім курсе”.
Многія людзі шукаюць пэўную валюту: даляры, эўра ці расейскія рублі. Вось што казалі наведнікі абменнага пункту “Беларусбанку”:
Спадарыня: “Вы ведаеце, я прыехала зь вёскі. Учора ўвогуле нельга было даступіцца — 20 даляраў за ўвесь дзень купіла. Эўра я не набывала, бо дорага, а сёньня — 200 даляраў купіла на запас. Няхай ляжаць 200 — ці мала на што спатрэбіцца”.
Карэспандэнтка: “Якую валюту вы шукалі і ці доўга?”
Спадар: “Эўра, даляры шукаў. Шмат банкаў абышоў, але вось і знайшоў”.
Карэспандэнтка: “Чаму вы купляеце валюту, зь якой мэтай?”
Іншы спадар: “Я хачу расейскіх рублёў узяць — яны хоць забясьпечаныя. А што такое даляр? Увядуць у Амэрыцы новую валюту, а яе ўвядуць зь месяца на месяц — і ўсё абваліцца. Таму — альбо эўра, альбо рубель”.
Карэспандэнтка: “А ці лёгка набыць?”
Спадар: “Ні ўчора, ні сёньня — няма нідзе. Я ўжо аб’ехаў тры банкі і вось пакуль матляюся. Быў у расейскім банку, дык у іх нават рублёў сваіх няма. Кажуць: мы рублі на вашыя фанцікі не мяняем”.
Супрацоўнікі банкаў неахвотна камэнтуюць становішча з купляй і продажам валюты. Аднак і яны прызнаюць, што недахоп валюты ёсьць. Вось што сказаў супрацоўнік аднаго зь іх, які не пажадаў называць свайго імя:
Карэспандэнтка: “Звычайна людзі валюту набываюць ці прадаюць?”
Спадар: “Набываюць. Даляры, эўра. Але тут цэнтар гораду, шмат замежнікаў — здаюць, каму трэба”.
Карэспандэнтка: “Ці хапае вам валюты на ўвесь дзень?”
Спадар: “Ну, не на ўвесь. Але калі ёсьць патрэба, то мы падмацоўваемся”.
Тым часам Нацыянальны банк Беларусі даў камерцыйным банкам указанне забяспечваць абменныя пункты валютай на працягу ўсяго гандлёвага дня. Але ў рэальнасьці гэта патрабаваньне выконваецца ня ўсюды.
У абменным пункце “Белзьнешэканамбанку” на праспэкце Незалежнасьці — чарга зь некалькіх чалавек. Гутару зь людзьмі:
Карэспандэнтка: “Ці ўпершыню вы ў банку? Ці спрабавалі ўжо набыць ці здаць валюту? Дарэчы, вы тут зараз стаіце чаму?”
Сталы спадар: “Не, ня здаць, а каб набыць. Жонка назьбірала, нахавала ад мяне, а зараз кажа — ідзі мяняй. Напалохалі. Сорам сказаць, але напалохалі. Усе бягуць, мяняюць. Што рабіць!”
Карэспандэнтка: “Ці вы ўжо спрабавалі набываць валюту?”
Спадарыня: “Спрабавала. Немагчыма набыць — 500 эўра паперчыны, а іншых няма. Калі толькі хто здасьць. Эўра няма, даляраў таксама. Складана набыць”.
Карэспандэнтка: “Чаму вы набываеце валюту?”
Спадарыня: “Самі ведаеце чаму. Страшна. Было ж ужо такое, калі былі ў людзей грошы ў банках і прапалі”.
Адзін з абменных пунктаў “Белінвэстбанку” месьціцца ў будынку крамы. Людзі ў чарзе стаяць на вуліцы, значная частка зь іх — сталага веку:
Карэспандэнтка: “Скажыце, калі ласка, чаму вы прыйшлі ў абменны пункт?”
Сталая спадарыня: “Валюту хацела набыць, але я так зразумела, што яе тут няма. Я ўжо ня ў першы банк зьвяртаюся, але валюты няма. Прычым ніякай: ні даляраў, ні эўра”.
Карэспандэнтка: “А чаму вы спрабуеце набываць?”
Спадарыня: “Бо беларускі рубель абсалютна абясцэніўся адносна нашай валюты. Зусім упаў. Таму і трэба пераводзіць грошы, каб хоць так захаваць на сьмерць. Хоць нешта, але і гэтак не атрымоўваецца. Бачыце — нельга купіць нават і па вялікім курсе”.
Многія людзі шукаюць пэўную валюту: даляры, эўра ці расейскія рублі. Вось што казалі наведнікі абменнага пункту “Беларусбанку”:
Спадарыня: “Вы ведаеце, я прыехала зь вёскі. Учора ўвогуле нельга было даступіцца — 20 даляраў за ўвесь дзень купіла. Эўра я не набывала, бо дорага, а сёньня — 200 даляраў купіла на запас. Няхай ляжаць 200 — ці мала на што спатрэбіцца”.
Карэспандэнтка: “Якую валюту вы шукалі і ці доўга?”
Спадар: “Эўра, даляры шукаў. Шмат банкаў абышоў, але вось і знайшоў”.
Карэспандэнтка: “Чаму вы купляеце валюту, зь якой мэтай?”
Іншы спадар: “Я хачу расейскіх рублёў узяць — яны хоць забясьпечаныя. А што такое даляр? Увядуць у Амэрыцы новую валюту, а яе ўвядуць зь месяца на месяц — і ўсё абваліцца. Таму — альбо эўра, альбо рубель”.
Карэспандэнтка: “А ці лёгка набыць?”
Спадар: “Ні ўчора, ні сёньня — няма нідзе. Я ўжо аб’ехаў тры банкі і вось пакуль матляюся. Быў у расейскім банку, дык у іх нават рублёў сваіх няма. Кажуць: мы рублі на вашыя фанцікі не мяняем”.
Супрацоўнікі банкаў неахвотна камэнтуюць становішча з купляй і продажам валюты. Аднак і яны прызнаюць, што недахоп валюты ёсьць. Вось што сказаў супрацоўнік аднаго зь іх, які не пажадаў называць свайго імя:
Карэспандэнтка: “Звычайна людзі валюту набываюць ці прадаюць?”
Спадар: “Набываюць. Даляры, эўра. Але тут цэнтар гораду, шмат замежнікаў — здаюць, каму трэба”.
Карэспандэнтка: “Ці хапае вам валюты на ўвесь дзень?”
Спадар: “Ну, не на ўвесь. Але калі ёсьць патрэба, то мы падмацоўваемся”.
Тым часам Нацыянальны банк Беларусі даў камерцыйным банкам указанне забяспечваць абменныя пункты валютай на працягу ўсяго гандлёвага дня. Але ў рэальнасьці гэта патрабаваньне выконваецца ня ўсюды.