Раней прыезд экспэртаў плянаваўся 9 студзеня.
У інтэрвію БелТА начальнік галоўнай управы вэтэрынарыі Мінсельгасхарчу Беларусі Пётар Антановіч адзначыў, што спэцыялісты Эўрапейскай камісіі маюць намер праверыць тры прадпрыемствы ў Берасьцейскай вобласьці - "Савушкін прадукт", "Бярозаўскі масласырзавод" і "Санта Брэмар".
У выніку праверкі прадпрыемствы могуць атрымаць атэстацыю па эўрастандартах і атрымаць права на экспарт у ЭЗ. Пры станоўчым рашэньні, гэта будуць тры першых прадпрыемствы Беларусі, якім афіцыйна дазволяць пастаўляць прадукцыю на эўрапейскі рынак.
