Лінкі ўнівэрсальнага доступу

“Рэакцыяй на сёньняшнюю сытуацыю” назваў былы старшыня праўленьня Нацыянальнага банку Беларусі прафэсар Станіслаў Багданкевіч рэкамэндацыю насельніцтву з боку Нацбанку “добра падумаць, перад тым як браць крэдыты”. Гэта рэкамэндацыя прагучала сёньня ў эфіры ОНТ з вуснаў начальніка ўпраўленьня інфармацыі Нацбанку Беларусі Анатоля Драздова.


Спадар Драздоў адзначыў, што колькасьць жадаючых узяць крэдыты расьце. “Складаецца ўражаньне, што людзі не думаюць, што грошы прыйдзецца вяртаць. Але ж прыйдзецца”—канстатаваў прадстаўнік Нацбанку.

Прафэсар Багданкевіч гаворыць: "Банкі – гэта такі інстытут, галоўнае назначэньне якога як раз і ёсьць крэдытаваньне юрыдычных і фізычных асобаў. Ну, а тое, што перад тым, як узяць крэдыт, трэба абдумаць, як яго вяртаць, дык гэта было відавочна заўжды.

Я лічу, што людзям трэба браць крэдыты. Увесь сьвет жыве на крэдытах. Гэта выгодна і людзям, і банкам”.

Варта адзначыць, што на дадзены момант большасьць беларускіх банкаў спыніла выдачу крэдытаў насельніцтву.

XS
SM
MD
LG