Лінкі ўнівэрсальнага доступу

Сёньня лідэр прадпрымальнікаў горада Баранавічы Мікалай Чарнавус паведаміў “Свабодзе”, што мясцовыя актывісты пачалі падрыхтоўку да масавай акцыі “Марш пустых рондаляў”.


“5 студзеня 2009 году ў 11:00 прыватныя гандляры накіруюцца ў Баранавіцкі гарвыканкам, трымаючы ў руках міскі, рондалі і лыжкі, — заявіў Мікалай Чарнавус. — Такім чынам мы прадэманструем чыноўнікам, што з-за іх вар’яцкага ўціску прадпрымальнікі страцілі сваю працу”.

Са словаў Мікалая Чарнавуса, прадпрымальнікі маюць намер ад 14-га студзеня штодзённа прыходзіць таксама і ў аддзел сацыяльнай абароны насельніцтва Баранавіцкага гарвыканкаму.

Старшыня грамадзкага аб’яднаньня “За свабоднае разьвіцьцё прадпрымальніцтва” (зарэгістраванага ва Ўкраіне) Віктар Гарбачоў сёньня сказаў “Свабодзе”, што рашэньне баранавіцкіх прадпрымальнікаў знаходзіць падтрымку ў розных рэгіёнах Беларусі.

Першы апазыцыйны “Марш пустых рондаляў” адбыўся 22 лютага 1997 году ў Менску. Тады 300 жанчын, трымаючы ў руках міскі, рондалі і лыжкі, прайшлі ад плошчы Якуба Коласа да парку Горкага зь лёзунгамі: “Грошы, што ідуць на АМАП — дзецям на лекі”, “Мужыкі, падыміцеся з каленяў”, “Мы любім герояў, а не халуёў”.

XS
SM
MD
LG