Лінкі ўнівэрсальнага доступу

У "Бібліятэцы Свабоды" 15-ая кніга -- "Мой шыбалет" П.Садоўскага


12 сьнежня адбудзецца прэзэнтацыя новай кнігі сэрыі “Бібліятэка Свабоды. XXI стагодзьдзе”. Яе склалі мэмуары першага амбасадара незалежнай Беларусі ў Нямеччыне, дэпутата Вярхоўнага Савету XII скліканьня, мовазнаўцы Пётры Садоўскага.


Ул.Някляеў: “Гэта кніга таленавітага чалавека, напісаная разумна”

А.Пашкевіч: “Садоўскі схаваў у акулярах відэакамэру”

Сваімі чытацкімі ўражаньнямі ад кнігі, якую аўтар назваў “Мой шыбалет”, дзеліцца ягоны тагачасны калега па дэпутацтве і грамадзкай дзейнасьці паэт Анатоль Вярцінскі.

“Я пазнаёміўся з кнігай Пётры Садоўскага “Мой шыбалет” — віншую яго з гэтай падзеяй, яго першай кнігай. Шлях да яе, я ведаю, быў няпросты і дужа працяглы ў часе.

Калі гаварыць пра свае ўражаньні ад кнігі, то я сказаў бы вось што. Па-першае, яна цікавая была мне як чалавеку, які параўнаўча даўно асабіста ведае аўтара. Тут я зыходжу з свайго крытэру ацэнкі твора. Калі кніга такая ж, як аўтар, тады, я лічу, гэты твор сапраўдны.

Другое. Яна цікавая мне як равесьніку аўтара. Шмат што агульнага ў нас нават у дэталях.

Яна цікавая мне як вяскоўцу, як сялянскаму сыну.

Яна цікавая мне як філёлягу — досьвед Пётры Садоўскага тут проста вельмі павучальны.

Яна цікавая мне як паэту. Шмат якія мясьціны кнігі, пачынаючы ўжо нават з самога вызначэньня назвы, — яны вельмі паэтычныя. Згадаем яго параўнаньне вады з калодзежа і вады з рэчкі, пасаж пра матылька і журбу або пра ток у правадах.

Яна цікавая мне як і калегу Пётры Садоўскага па Вярхоўным Савеце XII скліканьня, а потым і па грамадзка-палітычнай дзейнасьці таго часу.

Кніга цікавая мне як і прадстаўніку, прызнаюся, мужчынскай паловы чалавецтва. Згадаем тут яго прызнаньне наконт таго, што ён адчувае ў сабе нешта агульнае з героем вядомага твору “Парфумэр” Патрыка Зюскінда.

Кніга “Мой шыбалет” цікавая мне ў канчатковым выніку як беларусу, як прадстаўніку пэўнага этнасу зь яго псыхалёгіяй, мэнтальнасьцю, зь яго няпростымі пошукамі самаідэнтыфікацыі”.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG