10 сьнежня – галадоўка

Лідэр “Маладога фронту” Зьміцер Дашкевіч патлумачыў, што пост-галадоўка будзе цягнуцца адзін дзень.

“Праз гэту акцыю мы заклікаем людзей асэнсаваць трагічную гісторыю камунізму, злачынствы камунізму, бо толькі праз разуменьне і пакаяньне ў грахах наш народ можа адрадзіцца і аднавіць сваю Бацькаўшчыну”.

Раней плянавалася завершыць кампанію “Камунізм – пад трыбунал!” 8 сьнежня. Аднак, з-за суду над моладзевым актывістам Алесем Баразенкам акцыю вырашана было перанесьці.

“Савецкія дысыдэнты 10 чысла трымалі галадоўку ў лягерах і гэта выклікала вельмі нэрвовую рэакцыю ўладаў, адміністрацыі калёніяў. Бо яны разумелі, што нават тая карная сыстэма ня можа перавыхаваць чалавека, задушыць яго волю і прагу да свабоды”, - адзначыў З. Дашкевіч.