Лінкі ўнівэрсальнага доступу

Нацбанк пачаў барацьбу з чуткамі


Пётр Пракаповіч, кіраўнік Нацбанку

Пётр Пракаповіч, кіраўнік Нацбанку

Нацыянальны банк Беларусі пачаў барацьбу з тымі, хто распаўсюджвае ілжывую інфармацыю.


Пра гэта паведаміў начальнік упраўленьня інфармацыі Нацыянальнага банку Беларусі Анатоль Драздоў.

Паводле спадара Драздова, у Расеі пачата каля 10 крымінальных спраў аб недобрасумленнай канкурэнцыі ў банкаўскай сфэры:

“Ва ўмовах фінансавага крызысу ў Расеі канкурэнты пачалі зводзіць рахункі адзін з другім распаўсюджваючы ілжывыя чуткі пра банкруцтва нейкага банку, каб расчысьціць сабе месца на рынку.

Натуральна, што такая сытуацыя можа паўтарыцца і ў нас. Так як у нас былі тэлефанаваньні, што нехта такое нібыта гаворыць у касавых залях банкаў, Нацбанк распаўсюдзіў адмысловы ліст і папрасіў паведаміць, ці ёсьць такія факты. І калі яны ёсьць, то прымаць меры, бо распаўсюд чутак зьяўляецца злачынствам”.

Анатоль Драздоў патлумачыў, што рабіць нельга:

“Нельга распаўсюджваць ілжывую інфарацыю пра тавары і паслугі. Выказаць свае меркаваньні суседу па чарзе – калі ласка. Але хадзіць па касавай залі і казаць, маўляў, не кладзіце грошы ў гэты банк, бо ў яго будуць нейкія праблемы, - гэта ўжо чыстая крымінальшчына. Гэта распаўсюд ілжывай інфармацыі. Таму мы рэкамэндавалі, калі такія грамадзяне будуць у касавых залях, то даручаць супрацоўнікам дэпартамэнту аховы іх затрымліваць. Далей няхай разьбіраецца сьледчы”.

Паказаць камэнтары

XS
SM
MD
LG