Зьміцер Гарачка наведаў Эмануіла Зэльцэра ў шпіталі Магілёўскай калёніі № 15, дзе грамадзяніна ЗША трымаюць ужо болей за два тыдні. Адвакат спрабаваў выканаць просьбу падабароннага — перадаць яму тэлевізар, але зрабіць гэта не ўдалося:
“Проста мне сказалі, што, маўляў, усе тэлевізарамі забясьпечаныя, таму ім яшчэ адзін не патрэбны. Зэльцэр хацеў паставіць тэлевізар у сябе, у мэдычнай частцы. Там сапраўды тэлевізар ёсьць, але стары, ім даўно і шмат карысталіся. Я прывёз зусім новы тэлевізар — „Віцязь“, нашай вытворчасьці. Сказалі — не. Ну… не дык не”.
Адвакат працягвае сачыць за станам здароўя Эмануіла Зэльцэра, які мае шэраг хранічных захворваньняў. Гэтыя захворваньні абвастрыліся пасьля перапраўкі зь менскага сьледчага ізалятара ў магілёўскую калёнію: вязьню ставілі кропельніцу, давалі лекі. Паводле Зьмітра Гарачкі, да выздараўленьня яшчэ далёка:
“Яму патрэбны іншыя лекі, іншае лячэньне. Адміністрацыя гэта ўсё разумее, але зрабіць нічога ня ў стане”.
Зьміцер Гарачка кажа, што пакуль пытаньне пра выпіску Зэльцэра з турэмнага шпіталя не паўставала.
Таксама адвакат перадаў вязьню вопратку і харчы. Пры гэтым, паводле спадара Гарачкі, ягоны падабаронны ня скардзіцца на турэмнае харчаваньне. “Проста ёсьць шмат прадуктаў, якія ў калёніі дэфіцытныя — тыя ж вітаміны”, — сказаў Зьміцер Гарачка.
Наступны раз да свайго падабароннага адвакат паедзе ў пятніцу, 5 сьнежня.
Нагадаем, Эмануіл Зэльцэр быў арыштаваны ў сярэдзіне сакавіка, прыляцеўшы ў Менск зь Лёндану. Улетку Зэльцэра асудзілі на тры гады зьняволеньня за камэрцыйны шпіянаж супроць Беларусі. Эмануіл Зэльцэр вінаватым сябе не прызнаў. Ягоны брат Марк Зэльцэр, які жыве ў Нью-Ёрку, мяркуе, што брат стаў ахвярай інтрыг вакол спадчыны заўчасна памерлага грузінскага алігарха Бадры Патаркацышвілі. Паводле Марка Зэльцэра, на гэтую спадчыну прэтэндуе і Барыс Беразоўскі. Расейскі алігарх-уцякач Беразоўскі абвяргае сваю датычнасьць да арышту Зэльцэра.
“Проста мне сказалі, што, маўляў, усе тэлевізарамі забясьпечаныя, таму ім яшчэ адзін не патрэбны. Зэльцэр хацеў паставіць тэлевізар у сябе, у мэдычнай частцы. Там сапраўды тэлевізар ёсьць, але стары, ім даўно і шмат карысталіся. Я прывёз зусім новы тэлевізар — „Віцязь“, нашай вытворчасьці. Сказалі — не. Ну… не дык не”.
Адвакат працягвае сачыць за станам здароўя Эмануіла Зэльцэра, які мае шэраг хранічных захворваньняў. Гэтыя захворваньні абвастрыліся пасьля перапраўкі зь менскага сьледчага ізалятара ў магілёўскую калёнію: вязьню ставілі кропельніцу, давалі лекі. Паводле Зьмітра Гарачкі, да выздараўленьня яшчэ далёка:
“Яму патрэбны іншыя лекі, іншае лячэньне. Адміністрацыя гэта ўсё разумее, але зрабіць нічога ня ў стане”.
Зьміцер Гарачка кажа, што пакуль пытаньне пра выпіску Зэльцэра з турэмнага шпіталя не паўставала.
Таксама адвакат перадаў вязьню вопратку і харчы. Пры гэтым, паводле спадара Гарачкі, ягоны падабаронны ня скардзіцца на турэмнае харчаваньне. “Проста ёсьць шмат прадуктаў, якія ў калёніі дэфіцытныя — тыя ж вітаміны”, — сказаў Зьміцер Гарачка.
Наступны раз да свайго падабароннага адвакат паедзе ў пятніцу, 5 сьнежня.
Нагадаем, Эмануіл Зэльцэр быў арыштаваны ў сярэдзіне сакавіка, прыляцеўшы ў Менск зь Лёндану. Улетку Зэльцэра асудзілі на тры гады зьняволеньня за камэрцыйны шпіянаж супроць Беларусі. Эмануіл Зэльцэр вінаватым сябе не прызнаў. Ягоны брат Марк Зэльцэр, які жыве ў Нью-Ёрку, мяркуе, што брат стаў ахвярай інтрыг вакол спадчыны заўчасна памерлага грузінскага алігарха Бадры Патаркацышвілі. Паводле Марка Зэльцэра, на гэтую спадчыну прэтэндуе і Барыс Беразоўскі. Расейскі алігарх-уцякач Беразоўскі абвяргае сваю датычнасьць да арышту Зэльцэра.
