Сябра АГП з Калінкавічаў Дзяніс Рабянок аспрэчвае штраф у памеры 1 мільён 50 тысяч рублёў, вынесены яму завочна Ельскім раённым судом за нібыта незаконны збор подпісаў за вылучэньне кандыдатам у дэпутаты прадстаўніка АДС Мікалая Гаўрыленкі. Апошні, дарэчы, вылучаўся праз партыйны пратакол.
Сьветлагорскія актывісты Сьвятлана Міхальчанка, Віктар Ахрамчук і Сяргей Шавяленка аспрэчваюць штрафы ў памеры 40 базавых велічыняў за распаўсюд падчас перадвыбарчай агітацыі пэрыядычных выданьняў без выходных зьвестак і злоўжываньне свабодай сродкаў масавай інфармацыі.
Пакарала актывістаў буйнымі штрафамі судзьдзя Сьветлагорскага раённага суду Ірына Алісейка.
