Яе падрыхтавалі брусэльскі "Офіс за дэмакратычную Беларусь" і Беларускі саюз дызайнэраў. Падтрымалі імпрэзу нямецкая фундацыя Робэрта Боша і амэрыканскі фонд Маршала.
У прэсавым рэлізе з Офісу адзначаецца, што “выстава выклікае рэфлексію самых розных гледачоў, чым падкрэсьлівае унівэрсальны характар вынайдзенай беларускімі плякатыстамі сэміётыкі, варыяцыі ўспрыманьня якой, могуць мець розныя адценьні, цікавыя і нечаканыя”.
У адным фармаце з выставай праходзіць шэраг культурных мерапрыемстваў, зьвязаных з Беларусьсю. Экспазыцыі плякату спадарожнічаюць паказ дакумэнтальнай кінастужкі “За свабоду 1...2...3”, чытаньні кнігі Артура Клінава “Менск – горад СОНца”, выступ музычнага гурту “Джамбімбум”. Такі творчы “мікс” дае магчымасьць супастаўленьня культурных прадуктаў рознага кшталту.
Выстава працягне свой вандроўны цыкл па іншых заходнеэўрапейскіх гарадах. У Дрэздэне яна будзе да канца лістападу.
