"Брух … ня быў дапушчаны памежнікамі на тэрыторыю Беларусі, бо ён адносіцца да катэгорыі асобаў, непажаданых на тэрыторыі краіны”, — патлумачыў кіраўнік прэсавай службы Дзяржаўнага памежнага камітэту Аляксандар Цішчанка.
“Зь якой прычыны эпіскап знаходзіцца ў гэтым сьпісе, памежнікам невядома, мы проста выканалі сваю працу”, — дадаў Цішчанка.
16 кастрычніка памежнікі затрымалі ў аэрапорце “Менск-2” і зьмясьцілі ў ізалятар для дэпартаваных асобаў эпіскапа Вэніяміна Бруха.
Брух — грамадзянін Украіны, заснавальнік беларускай абшчыны “Царквы Ісуса Хрыста”. Ён быў яе пастарам з 1991 па 2002 год.
