Відавочца падзеі, сябра незалежнага прафсаюзу “Салідарнасьць” Віталь Шаўчэнка паведаміў “Свабодзе”, што “людзі былі абураныя грубымі паводзінамі службоўцаў падатковай інспэкцыі, якія спрабавалі канфіскаваць тавар у прадавачкі абутку”.
“Як толькі супрацоўнікі падатковай інспэкцыі заявілі, што канфіскоўваюць тавар, то адразу гандляры рушылі на абарону пакрыўджанай і разабралі па тры-чатыры пары абутку”, — удакладніў Віталь Шаўчэнка.
Са словаў суразмоўцы, канфлікт доўжыўся больш за гадзіну і скончыўся на карысьць абароны. Віталь Шаўчэнка кажа, што як толькі інспэктары пакінулі тэрыторыю рынку, то прадавачка абутку атрымала ад калегаў-абаронцаў увесь свой тавар.
