Лінкі ўнівэрсальнага доступу

“У Лукашэнкі ёсьць тры гады на заходнім кірунку”


Кірыл Коктыш

Кірыл Коктыш

Як выглядаюць беларуска-расейскія дачыненьні пасьля візыту Ўладзімера Пуціна ў Менск? Чаму Пуцін і Лукашэнка абышлі самыя вострыя пытаньні ў беларуска-расейскіх дачыненьнях?


На гэтыя пытаньні адказвае дацэнт Маскоўскага дзяржаўнага інстытуту міжнародных адносін Кірыл Коктыш

Цыганкоў: “Ці зьмянілася што-небудзь кардынальна ў беларуска-расейскіх дачыненьнях пасьля парлямэнцкіх выбараў? Што новага сказала сустрэча Лукашэнкі і Пуціна?”

Коктыш: “Я б сказаў, што нічога не зьмянілася. Лукашэнка вельмі добра ведае, што ў яго ёсьць каля трох гадоў, цягам якіх ён можа нешта зрабіць на заходнім накірунку. Гэта тыя гады, цягам якіх якія будзе будаваць БТС-2, Балтыйскую трубаправодную сыстэму другой чаргі, якая пойдзе ў абыход Беларусі.

Пакуль БТС-2 не збудаваная, Расея ня можа ўжыць ніякіх санкцыяў супраць Беларусі. Пакуль няма транзытнай альтэрнатывы, адносіны Масквы і Менску ня могуць пагоршыцца, але яны наўрад ці могуць і палепшыцца”

Цыганкоў: “Чаму Пуцін і Лукашэнка абышлі самыя вострыя пытаньні ў беларуска-расейскіх дачыненьнях – цану на газ і прызнаньне Абхазіі і Паўднёвай Асэтыі?”

Коктыш: “Гэта азначае, што па гэтых пытаньнях не было дасягнута ніякай дамоўленасьці. Пазыцы бакоў так моцна разыходзяцца, што публічна пра гэта заяўляць азначала б толькі абвастраць даволі вострую сытуацыю. І пакуль няма пэрспэктыў сумясьціць гэтыя погляды ў адзінае цэлае.

Цыганкоў: “Але нічога не было сказана і пра расейскі крэдыт, пытаньне пра які многія называюць ужо вырашаным. Зрэшты, яго так называюць ужо некалькі месяцаў…Ваш прагноз у гэтым сэнсе?”

Коктыш: “Калі мы ўзгадаем гісторыю з першым крэдытам, то беларускі бо і тады, за паўгады, казаў, што пытаньне ўжо вырашанае. Але ж Масква вырашала яго даволі доўга і цягнула да самага канца. Што да гэтых двух мільярдаў – магчыма, яны і будуць дадзеныя, але – пад якія гарантыі і пад якую палітыку?

Я не зьдзіўлюся, калі расейскі бок раптам заявіць, што праца і перамовы пра гэты крэдыт яшчэ не пачыналіся, а была толькі нейкая дэклярацыя аб намерах”

  • 16x9 Image

    Віталь Цыганкоў

    Віталь Цыганкоў скончыў факультэт журналістыкі БДУ. Адзін з двух заснавальнікаў першага недзяржаўнага агенцтва навінаў БелаПАН. Працаваў ў газэтах «Звязда», быў карэспандэнтам у Беларусі расейскай «Независимой газеты», Associated Рress, аглядальнікам у газэце «Свабода».  На беларускай Свабодзе ад 1994 году. Карэспандэнт расейскай Свабоды ў Беларусі.
     

XS
SM
MD
LG