Лінкі ўнівэрсальнага доступу

У Менску прэзэнтавалі кампанію “Будзьма!” <img src="/img/icon-photogallary.gif" border=0 />


Так выглядае сайт <a href="http://www.budzma.org" target="_blank">www.budzma.org</a>

Так выглядае сайт <a href="http://www.budzma.org" target="_blank">www.budzma.org</a>

Яе Ініцыятары заклікалі суайчыньнікаў адказаць на пытаньні: што значыць быць беларусам і што аб’ядноўвае грамадзян краіны, акрамя пашпартоў?



У кавярні “Добрыя мысьлі” адбылася й прэзэнтацыя сайту www.budzma.org.

Ад 1 кастрычніка пачынаюцца супольныя культурныя і грамадзкія акцыі пад слоганам “Будзьма беларусамі!” Ініцыятарамі акцый зьяўляюцца грамадзкія арганізацыі, у тым ліку, “Бацькаўшчына”, ТБМ, суполка “Пагоня”, “Гісторыка”, калектыў альманаху “pARTisan”, “Беларускае таварыства аховы помнікаў гісторыі і культуры”, Беларуская музычная альтэрнатыва, інтэрнэт-супольнасьць www.moladz.org, “Эўрапейскае радыё” ды інтэрнэт-супольнасьць “Шлях да Беларусі”.

Алена Макоўская
Старшыня Згуртаваньня беларусаў сьвету “Бацькаўшчына” Алена Макоўская распавяла “Свабодзе”:

“За 17 гадоў існаваньня незалежнай Рэспублікі Беларусь ня створана глебы для кансалідацыі грамадзтва. Гэтыя працэсы адбыліся ўжо даўно ў шмат якіх краінах і, напэўна, ва ўсіх краінах постсавецкай прасторы. Мы ставім мэтай аб’яднаць беларусаў на глебе любові й павагі да гісторыі, культуры, мовы.

Мы хочам паказаць з дапамогай сучасных інструмэнтаў: такіх як канцэрты, літаратурныя сустрэчы, музычныя складанкі, што беларуская культура, беларуская музыка, беларуская літаратура — гэта рэчы сучасныя, вельмі модныя і пэрспэктыўныя. Яны вартыя таго, каб пра іх ведалі ня толькі самі беларусы, але й каб яны былі вядомыя ў сьвеце”.

Севярын Квяткоўскі прэзэнтуе сайт кампаніі

Сёньня афіцыйна пачынае працу сайт www.budzma.org. Арганізатары разьлічваюць, што ён стане даступнай пляцоўкай для людзей, грамадзкіх арганізацый, якія займаюцца папулярызацыяй беларускай культуры.

Ініцыятары кампаніі заклікаюць далучацца да яе арганізацыі і прыватных асобаў, ідэі і праекты якіх адпавядаюць мэтам кампаніі.

Алег Трусаў
Старшыня ТБМ Алег Трусаў апавёў:

“Першая акцыя, якую мы ладзілі з рознымі грамадзкімі арганізацыямі, была агульнанацыянальная дыктоўка. Сёньня ТБМ у Лідзе пачало кампанію “Будзьма!”

Праз год плянуецца новы перапіс насельніцтва. Мы ўжо цяпер павінны працаваць і казаць людзям, каб яны ведалі, што яны беларусы, што іх родная мова беларуская, і дома яны з катом і сабакам гавораць па-беларуску. Усе гэтыя пытаньні ў перапісе нас чакаюць. Калі лічбы будуць ня тыя, якія былі, то ўсё зачыніцца”.

Прадстаўніца арганізацыі “Вока” абвясьціла пра новую кампанію:

Акцыя называецца “Дзясятачка”. Яна будзе праходзіць у рамках кампаніі “Будзьма!”, пра якую можна прачытаць на сайце www.moladz.org. Кожны школьнік ці студэнт можа сёлета пры канцы году прынесьці дзёньнік зь “дзясяткай” па беларускай мове ці літаратуры й атрымаць падарунак.

Ініцыятары кампаніі спадзяюцца, што зь цягам часу сайт www.budzma.org стане скарбонкай беларускіх інтарэсаў і карыстацца супольна сабранай інфармацыяй змогуць усе.

Паказаць камэнтары

XS
SM
MD
LG