Лінкі ўнівэрсальнага доступу

Сёньня адзначаецца Міжнародны дзень пажылых людзей. Паводле афіцыйнай статыстыкі, у Беларусі сёньня дзейнічаюць 22 дамы-інтэрнаты для састарэлых і інвалідаў. Там жывуць больш як 5 тысяч чалавек.

Міністар працы і сацыяльнай абароны Ўладзімер Патупчык на паседжаньні прэзыдыюму Саўміну нядаўна прызнаў, што амаль чвэрць дамоў-інтэрнатаў не адпавядаюць санітарным нормам. У некаторых цесна, у іншых няма каналізацыі альбо водаправоду. Кожны 10-ты будынак мае патрэбу ў капітальным рамонце.

Са словаў Уладзімера Патупчыка, у дамах-інтэрнатах “катастрафічна не хапае месцаў”.

У рэгіёнах у чарзе на разьмяшчэньне ў дамах інтэрнатах — амаль дзьве тысячы чалавек, і амаль столькі ж — у Менску.

Мінпрацы канстатуе, што, каб выправіць сытуацыю, да 2010 году патрабуецца 213 мільярдаў рублёў. Толькі ў такім выпадку плошчы будуць адпавядаць санітарным нормам (7 кв.м спальнага памяшканьня на аднаго чалавека).
XS
SM
MD
LG