Лінкі ўнівэрсальнага доступу

Дэпутат Палаты прадстаўнікоў Сяргей Гайдукевіч кажа, што ён не разумее, чаму радуюцца беларускія ўлады.

“Для Эўропы паняцьці свабода, дэмакратыя, адкрытасьць – гэта разьвіцьцё грамадзянскай супольнасьці. А аснову грамадзянскай супольнасьці складаюць партыі і грамадзкія аб’яднаньні.

А што атрымалася на гэтых выбарах у нас? Атрымалася, што грамадзянскую супольнасьць у нас проста ўрэзалі. Засталіся чатыры ці пяць афіцыйных камуністаў ды адзін аграрый. Вось і ўся грамадзянская супольнасьць у новым парлямэнце. І цяпер беларускім палітычным партыям застаецца толькі адно - адвярнуўшыся ад улады, узмацняць кантакты альбо з Эўропай, альбо з Расеяй. Іншага варыянту проста няма.

Я не разумею, чаму так радуецца ўлада з таго, што АБСЭ адзначыла – выбары адпавядалі беларускаму заканадаўству. Але ж эўрапейскім стандартам яны не адпавядаюць. І пра гэта АБСЭ адкрыта заявіла. Эўрапейцы пакідаюць беларускім уладам невялікі калідор. Яны кажуць: мы выбары не прызналі, але яны прайшлі лепей, чым раней. І вось у гэтым калідоры цяпер давайце размаўляць. Карацей кажучы, вось яна ў натуральным выглядзе, пакрокавая стратэгія. Тую самую пакрокавую стратэгію, пра якую Гайдукевіч казаў яшчэ паўтара года таму, Эўропа бярэ на ўзбраеньне”.

Уладзімер Глод, Менск

Ваша меркаваньне

Паказаць камэнтары

XS
SM
MD
LG