Лінкі ўнівэрсальнага доступу

Я.Ленарчыч: выяўлены важныя недахопы


Янэз Ленарчыч
Янэз Ленарчыч

Місія АБСЭ па назіраньні за выбарамі ў Беларусі распаўсюдзіла заяву, у якой зьняпраўдзіла інфармацыю, пададзеную ўчора па беларускіх тэлеканалах БТ і ОНТ.


Як гаворыцца ў заяве, тэлеканалы паказалі выступ кіраўніка Бюро дэмакратычных інстытутаў і правоў чалавека АБСЭ, пасла Янеза Ленарчыча. Нібыта спадар Ленарчыч заявіў, што доўгатэрміновыя назіральнікі АБСЭ “не знайшлі якіх-небудзь істотных парушэньняў”.

Насамрэч жа спадар Ленарчыч сказаў, што назіральнікі “выявілі важныя недахопы ў перадвыбарчы пэрыяд”.

Сёньня а 15-й гадзіне ў гатэлі “Беларусь” місія АБСЭ прадставіць вынікі свайго назіраньня за выбарамі ў Беларусі і свае высновы. Чакаецца, што на прэсавай канфэрэнцыі выступяць віцэ-прэзыдэнт Парлямэнцкай асамблеі АБСЭ і спэцкаардынатар кароткатэрміновых назіральнікаў Ан-Мары Лізэн і кіраўнік місіі Бюро дэмакратычных інстытутаў і правоў чалавека АБСЭ пасол Герт Арэнс.

АБСЭ накіравала больш за 450 міжнародных назіральнікаў з 43 краінаў. Ад Бюро ў Беларусь прыбыло больш за 320 кароткатэрміновых назіральнікаў, 58 экспэртаў і доўгатэрміновых назіральнікаў. Таксама прысутнічалі 66 парлямэнтароў і супрацоўнікаў Парлямэнцкай асамблеі АБСЭ.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG